Dapitan City Mayor Rosalina Jalosjos in here cyan color gown during her pledge in front of Judge Dalman. |
Pormal nga nanumpa ang mga napiling opisyales sa kagamhanang lokal sa dakbayan sa Dapitan atubangan mismo ni Judge Vittorio Dante Dalman. Kini gipahigayon sa Ground Floor, NewPormal nga nanumpa ang mga napiling opisyales sa kagamhanang lokal sa dakbayan sa Dapitan atubangan mismo ni Judge Vittorio Dante Dalman. Kini gipahigayon sa Ground Floor, New Government Center, alas 10 ang takna kaganiha.
Gibuksan ang maong inaugurasyon pinaagi sa pag-awit sa Philippine National Anthem ug Doxology nga gipangunahan sa LGU Choir. Gisunod ang usa Welcome Remarks ni City Administrator, Wilberth Magallanes nga mao usab ang nagpaila sa mga dumuduong ug mga bisita.
Makita sa mga mata sa katawhan ang panghinam-hinam sa maong Oath-Taking Ceremony ug diha-diha gisunod ang seremonya. Unang nanumpa atubangan ni Judge Dalman mao si Re-elected City Mayor, Hon. Rosalina Jalosjos gisundan kini ni Vice Mayor Ruben Cad ingun man ang napulo ka mga napiling konsehales sa dakbayan. Sila nanumpa nga pagabuhatun gayud nila ang ilang mga responsibilidad dinuyugan sa gugma sa katawhan, patas nga pagpanirbisyo ug ti-unay nga serbisyo aron mapalambo ang hinigugmang dakbayan isip mga lideres.
Sa emosyonal nga Inaugural Address ni Mayor Nene, iyang gimensyon nga ang katuyuan sa iyang administrasyon mao ang himsug, baskog ug malambuong ekonomiya sa paghatag ug patas nga oppurtunidad sa tanan nga walay diskriminasyon.
“Misyon ko ang Paghatud ug Serbisyo,”mao kini ang haom nga slogan ni Mayor Nene Jalosjos. Dugang niyang gisaysay nga aron mahimo kini ngadto sa buhat, kinahanglan ang tanan magmatutu sa personal nga responsibilidad dili lang alang sa ilang kaugalingon, dili lang alang sa ilang pamilya kundili lakip na ang katawhan sa dakbayan.
Wala usab napugngan ni Mayor nga matulo iyang luha sa pagpadayon sa ilang mensahe. Matud pa niya,“Ang pagsulay kaniadto, magpabilin kining pagsulay sa umaabot nga panahon – kinahanglan mahimo kitang usa ka dapitanon, usa ka tawong adunay susamang destinasyon.”
Dugang pa nga gikinahanglang usab sa dakbayan ang prosperidad ug gahum, busa kinahanglan kining imintenar. Apan ang tanang plano ni mayor kinahanglang kini ug katambayayong pinaagi sa mga SP Members nga muabaga sa uban niyang katuyuan.
Sa katapusang bahin sa iyang mensahe, nagpasalamat siya sa katawhan sa dakbayan ug iyang giawhag ang katawhan sa pagpadayon sa pag-uswag nga kumpyansa diha sa paglaum, kusog nga pagtuo sa tagsa-tagsa ug sustinido diha sa pagsalig sa labaw’ng makagagahum.
Human sa maong seremonya, gisunod ang picture taking uban sa tagsa-tagsa ka pamilya sa mga nanumpang opisyal.
No comments:
Post a Comment